Печать войны на детском сердце

Глафира Мартынова - о том, как жилось в военное лихолетье


«Дети войны» - так современники называют тех, кто пережил ужасы военного лихолетья в совсем юном возрасте. Их воспоминания обрывочные, но совершенно реалистичные. Так может запомнить события только ребенок, который по природе своей не может понять жестокость, голод и унижение. Такими воспоминаниями поделилась с «Нашей жизнью» жительница Лэзыма Глафира Степановна Мартынова, у которой война отобрала не только беззаботное детство, но и свободу. В двухлетнем возрасте ребенку пришлось вместе с матерью отбывать наказание в верхнечовской тюрьме. Маленькой девочке довелось оказаться за решеткой и терпеть нечеловеческие условия по совершенно абсурдному обвинению ее матери, которая пыталась спасти своих детей от неминуемого голода, обменяв полушку табака отца-фронтовика на полтора килограмма пшена. Рассказ Глафиры Мартыновой на коми языке читайте на 10-ой странице.

Война кадӧ быд коми сиктын олӧмыс лоис вир гӧль да тшыг нисьӧ пӧт. Став вӧлӧгасӧ кушӧдз вӧлі бертӧны фронт вылӧ. Стрӧжитісны пуксьӧдны дзескыдінӧ, аслыд кӧ нянь кусӧк гусьӧн дзебыштан-чуктӧдан. Мед кӧть и челядь тшыгла кулӧны, помкаыс ӧти – тюрма. Лӧзым сиктса Глафира Степановна Мартыноваӧс тасьті пызьысь во кежӧ пуксьӧдісны. Неминучаыс суис 1944 воын, сы кадӧ Глафира вӧлі сӧмын на кык да джын арӧса кагаӧн… 


Мыжтӧм мыжысь вештысьны 
- Менам батьлӧн зэв уна табак-самӧсад град вылӧ вӧлі пуктӧма, а сійӧс самӧй война вылӧ нуисны, - висьталӧ Глафира Степановна. – Мамӧй немӧй суседкӧд вежсьӧма табакнад шобді тасьті вылӧ, а кодкӧ сиктсаяссьыд вежсьӧмтӧ кыйӧдӧма да «кытчӧ колӧ» дивитӧма-висьталӧма. Локтісны миян гортӧ обыскӧн да шобдітӧ аддзисны. Дыр эз думайтны – пуксьӧдісны мамӧс Верхньӧй Човӧ во кежӧ. Дзескыдінӧ мыжтӧм мыжсӧ вештыны мамкӧд тшӧтш муні и ме, кык арӧса нывка… 
Сійӧ кадсӧ, дерт, ме ог помнит, а мам вӧлі казьтывлӧ, мый сёрнита нин и котрала вӧлі, а тюрмаад эбӧсӧй бырӧма да кокысь усьсьӧма, понді джоджӧд кыскасьны, а кучик пасьтала чирейяс разалісны… 
Кӧкъямыс тӧлысь мысти менӧ ӧтнамӧс лэдзисны гортӧ, ыджыдджык чой дӧзьӧр улӧ – сійӧ меысь дас воӧн верстьӧджык, а мам кольччис на тюрмаас срок помӧдзыс. Тюрма бӧрад ме дугды быдмыны, став лы-кучикыс кутіс висьны, сідз и коли ичӧтик тушаа. 

Сгинитісны «Урожай» вӧсна 
Сэтшӧм жӧ мыжтӧм мыжа лоис сы кадӧ и миян сусед – лэзымса совхозса председатель. Лэзымса совхозыдлӧн нимыс вӧлі «Урожай», юрнуӧдіс председатель да счетовод - ӧнія бухгалтер сяма. Код тӧдас, мыйысь найӧ кыкнансӧ война заводитчитӧдзыс на пуксьӧдісны, шуисны растратчикъясӧн. Председательсӧ война заводитчӧм бӧрас тюрьмасьыс нуисны штрафнӧй ротаӧ, да сэні сійӧ и сгинитіс. А счетоводсӧ нуисны Ухтадорса Водный нима посёлокӧ - сэні сійӧ кувсис. 

Мӧстӧ вердім гусьӧн 
Не кӧ мӧсным, эськӧ кулім войнабӧрса воясас. Мӧс йӧлыс кыдзкӧ тшыг понда кулӧмысь мездіс. Но картупельыд эз вӧв. Тулыснас мам водза-водз асывнас миянӧс вӧлі садьмӧдӧ да мӧдӧдӧ совхоз муяс вылӧ. Кор мусӧ гӧрӧны, посни да сісь картупельыс му веркӧсас кыптӧ - сійӧ вӧлі ми гусьӧникӧн ӧктам, радпырысь гортӧ ваям. Мам сэсся весалас да ид пызь сорӧн пӧжалӧ нянь – век нин вӧлӧга… 
Война бӧрас бать локтіс гортӧ ёна доймалӧма, уджавнытӧ сылы вӧлі сьӧкыд, а недыр мысти и куліс. Мам омӧлик эбӧснад эз нин вермы мӧстӧ видзны. Сэк ӧд ытшкан муястӧ йӧзыдлы эз чуктӧдлыны, ставыс вӧлы совхозлӧн. Мӧстӧ кӧ кодкӧ видзліс, колӧ вӧлі турунсӧ нӧбйӧн кыськӧ вӧрса ылі видзьясысь гусьӧникӧн кыскавны. Ён мужичӧй кӧ семьяад эз вӧв, мӧссьыд быть колӧ вӧлі лэччысьны. 

Сакара ва да сола треска 
Школаын велӧдчигӧн миянӧс ёна совхозад уджӧдісны. Гуртӧн вӧлі муяс вылысь чукӧртам ытшкӧм бӧрас гылалӧм шепсӧ. Зептад весиг ӧти шептор ог вӧлі лысьтӧй дзебны. Ставсӧ чукӧртам вӧлі мешӧкъясӧ да нуасны совхозӧ. 
Гожӧмнас во куим кымын турун пуктігӧн юр кыскавны ковмис. Кымыныськӧ вӧв вывсьыс юсьлывлі. Ёна вӧлі пола, мый вӧлыс менӧ, ичӧтик нывкатӧ, талялас. Но эз талявлы, вомӧныс вӧлі воськовтӧ… 
Надзӧник вӧлӧгатӧ сиктса лавкаад кутісны вайыштавны. Казьтывла ӧні частӧ, кыдзи сэки юмов ва панялім. Сэки сакартӧ ыджыд «юръясӧн» вӧлі вузавлӧны. Татшӧм сакар «юрсӧ» поткӧдлам вӧлі, ваӧн гудралам да чӧскыда юмов васӧ панялам. А ещӧ на чӧскыд вӧлі тшыг вывсьыд сола треска. Клящӧй сола черисӧ вӧлі кипятокӧн заваритам, пуам да сеям… 
Сизим класс Лэзымын велӧдчы да чуйдісны меным - Ленинградын пӧ киномеханик вылӧ позьӧ велӧдчыны. Велӧдчом бӧрас киномеханикалы Позялӧмын, сэсся Слудкаын, бӧрти муні Воркутаӧ да верӧс сайӧ петі, кык челядь чужтім. Челядь быдмисны да пӧрысьланьӧ бӧр Лэзымӧ локті, чужан гортыд ӧд кыскӧ… 

Наталья КУЗНЕЦОВА,

фотографияыс Глафира Степановналӧн архивысь

 

                                                       

 

 


Комментарии (0)


Добавить комментарий





Разрешённые теги: <b><i><br>Добавить новый комментарий:


Тэги